11 հունիսի, 2010թ.
Տեղեկացնում ենք, որ Հայաստանի կրթության և գիտության նախարարությունը հաստատել է 2010-2011 ուսումնական տարում պետական պատվերի շրջանակներում սփյուռքահայ դիմորդների համար հատկացվող 70 համալսարանական /բակալավրիատ/ տեղերը, որոնց բաշխումը կատարվելու է նախարարության հանձնաժողովի կողմից, մրցութային կարգով, դիմորդների կողմից ներկայացված փաստաթղթերի քննարկման միջոցով:
Սփյուռքահայ դիմորդները հնարավորություն ունեն ընդունվելու նաև վճարովի համակարգ, այդ թվում քոլեջներ, մագիստրատուրա և ասպիրանտուրա:
Ընդունելության փաստաթղթերի ցանկը, դիմումի հայտաձևը և այլ համապատասխան տեղեկատվությունը ՀՀ դեսպանությունն ուղարկել է համայնքային կրթօջախներին: Դրանք կարելի է ստանալ նաև ուղղակիորեն ՀՀ դեսպանությունից:
Education 
Τρίτη, 15 Ιούνιος 2010 14:43 | 
